KitapOka | On ýedimiň bahary

KitapOka | On ýedimiň bahary

Haladym

11

ýükle

17

Kitabyň ady:	On ýedimiň bahary
Awtory:	Ogulsenem Taňňyýewa
Kitap barada:	Şäherdedoglup,şäherdeönüp-ösenGeldimyratdokuzynjy klasa oba mekdebinde başlamaly boldy. Her ýyl tomus kanikulynda obada — Sabyr mamanyňkyda bolýan-da bolsa, bütin ýyllap oba mekdebinde okamaly boljagy Geldimyrady darykdyrman durmady. «Nätanyş mugallymlar, nätanyş oglan-gyzlar...» diýip, ol birsyhly içini gepledýärdi. Ýöne ýetginjek içki howsalasyny daşyna çykaranokdy. Ejesidir kakasyna duýduranokdy. Şonsuz hem ejesi oglunyň özünden aýrylyp, oba ugramaly bolýanyna gynanmak gynanýardy. — Oglum, oba gidýäniňe gynanjak bolsaň, dogryňy aýt. Onda gitme-de. Eneň ýagdaýyna-da çäre tapylar. Oňa göz-gulak bolmagy şol ýerden birine tabşyraýarys — diýip, ejesi eýýäm Geldimyradyň oba gitmegi hakdaky mesele ýüze çykaly bäri ogluna telim sapar ýüzlenipdi. — Närazy bolup gitme. — Meniň üçin gaýtam obada okamak gyzykly — diýip, Geldimyrat özüni hernäçe alada basýanam bolsa, ejesinden syryny gizläp, mert durdy. Şeýtmek gerekdi hem. Geldimyradyň ejesi-de, kakasy-da şähere gerekli wraçlaryň biridi. Üstesine-de, olar öz işleri boýunça alymlyk derejesini-de alypdylar. Indem alymlygyň has ýokary derejesini almagyň üstünde işleýärdiler. Bu ýerde olaryň ylmy işlerine degişli apparaturalar, gözegçiliklerindäki bir topar näsaglar bardy. Olar adama jebir berýän iň ýowuz derdi dep etmegiň usulyny tapmak üçin nijeme ýyllar bäri gijelerini gündiz edip, ylmy iş alyp barýardylar. Indem garry eneleri sebäpli ýaňy bir gutaryp barýan ylmy işlerini ýarpy ýolda zyňyp gitmek bähbit däldi. Ýogsa, etjegiň doktorçylyk bolsa, obada-da tapyljakdy. Geldimyradyň ejesidir kakasynyň alyp barýan ylmy işini welin, diňe paýtagtyň ýokary derejedäki tehnikasy bolan ylmy edaralarynda ýöretmelidi. Bu zatlary Geldimyrada kakasy düşündiripdi.
Dili:	Türkmen
Çap edilen ýyly:
Formaty:	.pdf
Göwrümi:	1.2 mb
Baly:	200
Görülen sany:	2028