KitapOka | Teplofikasiýa

KitapOka | Teplofikasiýa

Haladym

0

ýükle

4

Kitabyň ady:	Teplofikasiýa
Awtory:	S.Kürräýew
Kitap barada:	“Teplofikasiýa“ we “Ýylylyk üpjinçiligi” dersi boýunça bu okuw kitaby Türkmen politehniki institutynyň Binagärlik-gurluşyk fakultetiniň “Ýylylyk, gaz üpjünçiligi we howa çalşygy”hünäriniň we Türkmenistanyň Döwlet energetika institutynyň “Energo-tehnologiki” fakultetiniň “Ýylylyk elektrik stansiýalary” hünäriniň talyplarynyň okuw maksatnamasyna laýyklykda öwrenilýän bölümler boýunça taýýarlanylandyr. Olar ýylylyk üpjünçiliginiň meýilnama laýyklykda düzülen baplar boýunça berlendir. Şu bölümlere degişli nazary maglumatlar bilen birlikde öwrenilýän temalara degişli mysal-meseleler berlendir we olaryň çözülişleri doly görkezilendir. Okuw kitabynyň soňunda peýdalanylan edebiýatlar hem-de umumy okuwlaryň ýazgysynyň mazmuny görkezildi, mazmun binagärlikgurluşyk fakultetiniň görkezilen hünäriniň ýylylyk üpjünçiligi dersi boýunça okuw maksatnamasy bilen doly gabat gelýär. Okuw kitaby taýýarlanylanda umumy okuwlaryň ýazgysyny düşnükli dilde beýan etmek, maglumatlary talyplar üçin güýçýeterli möçberlerde bermek, şol bir wagtda-da okuw maksatnamasyna laýyklykda teplofikasiýa we ýylylyk üpjünçiligi dersini doly öwredip, hünär ugurlary boýunça yörite dersleri öwrenmäge başlangyç kurslarda okadylýan derslerden taýýarlygy üpjün etmek maksatlaryndan ugur alyndy. “Teplofikasiýa” we “Ýylylyk üpjinçiligi” dersi boýunça okuw kitabybyň taýýarlanylmagy we onuň institutyň kitaphanasynyň okalga zalynda, talyplara elýeterli edilmegi olaryň öwrenýän materiallar bilen umumy okuw sapagy geçilmezden öň tanyş bolmaklaryna, sapaklary özbaşdak özleşdirmeklerine mümkinçilik döreder. Iň esasyda, talyplaryň umumy okuw sapaklarynyň dowamynda okuw depderlerine ýazgy etmek zerurlygy aradan aýrylar, bu bolsa mugallymyň okuw sapagynyň wagtyny has tygşytly peýdalanmagyna, temany giňden düşündirip bilmegine, talyplaryň ünsüni sapagy özleşdirmäge doly çekmäge we tygşytlanan wagtyň hasabyna sapagy berkitmegine, talyplaryň sapagy özleşdiriş derejesine baha bermegine kömek eder. Talyplar okuwdan soň, aýratynlykda, okuw kitabyny peýdalanyp, geçilen sapagy özbaşdak konspekt edip biler. Şol meseleleri göz öňünde tutup şu okuw kitaby hödürlenýär.
Dili:	Türkmen
Çap edilen ýyly:	2010
Formaty:	.pdf
Göwrümi:	2.84 mb
Baly:
Görülen sany:	1000